「唔該小牛飲茶加汁喺度食！」

  通常一到下午四點左右，我就會入去火車站左近嗰間拮嘢家搵食，只要講出以上「口令」，店員就get到我想要乜。

  牛肉飯加杯茶雖然已經由十五蚊加到十六蚊，但仍無損我一嘗牛飯的雅興，對於今時今日買罐豆豉鯪魚都要過廿雞嘅香港來講，只需十幾蚊買到一碗多汁牛飯，實在叫窮鬼我感動非常。

  喺拮嘢家到底有乜好食？一睇個餐牌，有牛有雞有魚有東坡肉又有菇...etc，更有一啲好奇妙嘅配搭，例如乜嘢芥辣牛肉珍菌飯再加隻蛋，呢啲咁新奇嘅口分折扣。將薑、辣椒同七味粉放入牛汁裡面溝均再倒入熱辣辣嘅牛飯入面，絕對是滋味無窮！每次享用完畢，都使我當日的生活充滿動力。

  感謝你，提供十六蚊下午茶嘅拮嘢家。

  P.S.雖然我百思不得其解點解拮嘢家隻吉祥物會係隻豬......